1. Skip to Menu
  2. Skip to Content
  3. Skip to Footer
Lapa atjaunota:
21-09-2018
Vārdadienas šodien: Rauls, Rodrigo

Rakstos

Vacuokajā latgalīšu muzykas festivalā itūgod pīsadaleis ari Renārs Kaupers

16.septembrī jau sešpadsmytū reizi Vileks nūvoda Upītie nūtiks vacuokais latgalīšu muzykas i dzejas festivals pasaulī – “Upītes Uobeļduorzs”, kurā eipašuo gosta statusā rādā latgalīšu muzykas grupom i dzejnīkim itūgod uzastuos ari Renārs Kaupers.

“Upītes Uobeļduorzs” itūbreid ir vīneigais festivals, kurs namaineigi kotru godu puļcynoj latgalīšu muziķus i grupas, īpazeistynoj ar jaunim vuordim latgalīšu kulturā i aicynoj gostūs kotru interesentu. Ituo goda festivalā Upītie sasatiks muziki i grupas: “Dabasu Durovys”, “Piparmētra”, “Metrs”, “Dvinskas muzikanti”, “Unknown Artist”, folkloras kūpas “Upīte” i “Rekavas dzintars”, Vinsents Kūkojs i grupa “Trikmīņs”, Dainis Adijāns, Kate i Doms, Rihards Krilovs, kuo ari itūgod atdzymušuo latgalīšu smoguo metala grupa “Fēnikss”, kurei dorbuojās da deveņdesmytūs godu suokuma. Par festivala dzejis ailem pasaryupēs Anna Rancāne, Mārīte Slišāne, Ligija Purinaša, Mārīte Bikovska, Karonhisake, Dagnija i Vucanu Voldyks.
Kotru godu festivals pasaryupej ari par kaidu eipašū gostu – latgalīšu dzejnīku i muziķu sasatikšonu Upītie pādejūs godūs ir kuplynuojs dzīsminīks Kārlis Kazāks, grupys “Inokentijs Mārpls” i “Gain Fast”, bet itūgod eipašuo gosta statusā byus muzikis Renārs Kaupers, kuram itei reize Upītie nabyus pyrmuo gasteišonas reize itymā pīrūbeža dzeraunē. 2017. gods Renāram, kuruo dzymtas saknes ari meklejamas Latgolā, bejs boguots taišni ar latgaliskū kulturu – kūpā ar latgalīšu muzikim īdzīduojs Valda i Māra Muktupāvelu dzīsmi, naoficialū Latgolys himnu “Pīmiņ, bruoļ”, uzastuojs Latgolas muokslas svātkūs Višķūs, gastejs Latgalīšu kulturas goda bolvā “Boņuks 2016”, kuo ari vadejs apbolvuojuma “Laiks Ziedonim” ceremoneju Latgolas viestnīceibā GORS, pyrma kuruos kūpā ar fondu “Viegli” devēs Latgolas izpietes ekspedicejā.
Festivala “Upītes Uobeļduorzs” pyrmsuokumi meklejami 2002. godā, i tys ir vacuokais da ituo pastūvuošais latgalīšu festivals pasaulī. Pasuokuma idejas autors ir latgalīšu literats, nūvodpietnīks, folklorists Ontons Slišāns, kurs īsadūmuoja sataiseit sovpateigu dzejas dīnom veļteitu festivalu, kab popularizātu i saglobuotu latgalīšu volūdu. Itūbreid festivala organiziešonu turpynoj Ontona dāls Andris Slišāns, saglobojūt festivalu kuo kasgadeju latgalīšu sasatikšonys reizi i turpynojūt tradiceju, ka kotram muokslinīkam vysmoz vīna dzīsme voi dzejūļs juoizpylda latgaliski, nu puorsvorā festivalā latgalīšu volūda skaņ symtproceņteigi.

Laika prognoze

9°C

Balvi

Pārsvarā mākoņains
Humidity: 71%
Wind: NW at 32 kmh
Trešdiena8°C/10°C
Ceturtdiena7°C/14°C
Piektdiena1°C/12°C
Sestdiena3°C/11°C
KWeather is powered by Kaleidoscoop
vadi

Veiksmes prognoze

Otrdiena

Trakajā.pilnmēness otrdienā visām glābšanas un kontrolējošām institūcijām jābūt uzdevumu augstumos, jo dragreisi un satiksmes noteikumu neievērošana uz ceļiem būs ikdienišķa parādība. Tāpat darba būs daudz ātrās palīdzības mediķiem un policistiem, jo cilvēku aktivitāte, precīzāk, agresivitāte var novest pie kautiņiem, traumām, ugunsgrēkiem un, nedod Dievs, pat terora aktiem vai revolūcijām. Tāpēc pirms ko lauzt, graut vai plēst, atcerēsimies, ka nemiers posta, bet miers baro!